香港、澳門坐車過關攻略：口岸點揀、要唔要落車

香港出發：四個常用口岸

司機會按目的地同當時車流揀口岸：

• 深圳灣：去南山、前海、蛇口、寶安機場、廣州、東莞最常用。
• 皇崗（落馬洲）：去福田、羅湖市中心最直接。
• 蓮塘：去羅湖東、龍崗、東莞東部及惠州最順路。
• 港珠澳大橋：去澳門、珠海、中山，香港口岸近機場。

澳門出發：常用口岸

澳門往返內地，我哋會按你嘅上車地點同時段安排最順路嘅口岸：

• 關閘（拱北）口岸：澳門半島最近，去珠海、中山、廣州、深圳最常用。
• 橫琴口岸：由氹仔、路氹出發較近，去橫琴最方便。
• 港珠澳大橋珠澳口岸：澳門往返香港經大橋。

過關要唔要落車？

兩地牌車輛過關時，大部分口岸及時段乘客可以留喺車上，由關員喺車道查驗證件。部分口岸、時段或旅客證件（例如部分外國護照首次入境）需要落車行旅檢大樓，過關後再上返同一架車。

我哋會喺確認行程時按你嘅證件同口岸講清楚流程。

要帶咩證件？

• 香港、澳門居民去內地：回鄉證（港澳居民來往內地通行證）。
• 外國旅客：護照，並持有效簽證或符合免簽 / 過境免簽條件（以官方最新公佈為準）。
• 香港往返澳門：香港居民可用香港身份證；外國旅客按澳門入境規定。
• 小朋友：同樣需要自己嘅有效證件。

過關慳時間貼士

• 避開星期五晚、星期六朝早北上，同星期日下晝南返嘅高峰。
• 證件預先放喺手邊，關員查驗時更快。
• 公眾假期提早預約，並預留多啲時間。